‘அன்பின் நண்பர் ஞானசார தேரர் நீங்கள் தொடர்ந்தும் போராடுங்கள்; உங்கள் போராட்டத்தை ஒரு போதும் கைவிடவேண்டாம்; நாங்கள் உங்களுக்கு உதவியாக இருப்போம்; உங்களை விரைவில் சந்திப்பதற்கு விரும்புகிறேன்; நீங்கள் ஒரு தேசிய வீரர்’ என மியன்மாரைச் சேர்ந்த அசின்விராது தேரர் தெரிவித்துள்ளார்.
பொதுபலசேனாவின் செயலாளர் ஞானசார தேரருக்கு அனுப்பிவைத்துள்ள கடிதமொன்றில் தெரிவித்துள்ளார். மியன்மார் மண்டலே நகரிலுள்ள அசின்விராது தேரரின் விகாரையிலிருந்தே இந்தச் செய்தியை அவர் அனுப்பி வைத்துள்ளார்.
குறிப்பிட்ட கடிதத்தில் மேலும் தெரிவிக்கப்பட்டுள்ளதாவது,
‘எமது நண்பர் ஞானசார தேரருக்கு செய்தியொன்றினைத் தெரிவிக்க நான் விரும்புகிறேன். தேசிய போராட்டம் மற்றும் சுதந்திரத்திற்காக உங்களது வாழ்க்கையை இவ்வாறான ஒரு நிலைமைக்குள்ளாக்கிக் கொண்டமை தொடர்பில் பெருமையடைய வேண்டும்.’ நீங்கள் சிறைச்சாலையினுள் இருப்பது குறித்து நான் கவலையடைகிறேன். என்றாலும் இதற்காக நீங்கள் பெருமையடையவேண்டும். மகிழ்ச்சியடைய வேண்டும். நீங்கள் இலங்கையில் ஒரு தேசிய வீரர். உங்களுக்கு கட்டாயமாக விடுதலை கிடைக்கும். நீங்கள் சிறைச்சாலையில் இருப்பது குறித்து கவலையடைய வேண்டாம். மக்களுக்காக தனது வாழ்க்கையை அர்ப்பணிப்பவர்களின் மீது அவர்கள் என்றும் அன்பு செலுத்துவார்கள் எனக் கூறப்பட்டுள்ளது.
-Vidivelli