இலங்கையில் பயங்கரவாதத் தாக்குதல் நடத்திய தேசிய தவ்ஹீத் ஜமாஅத் அமைப்பின் தலைவர் சஹ்ரான் ஹாஷிமின் சகாக்கள் அனைவரும் கைது செய்யப்பட்டு தடுத்து வைக்கப்பட்டுள்ளதாக அரசாங்கம் தெரிவித்துள்ளது.
காலி பகுதியில் இடம்பெற்ற நிகழ்வொன்றில் கலந்துகொண்டு உரையாற்றிய பிரதமர் ரணில் விக்கிரமசிங்க இந்த தகவலை வெளியிட்டிருந்தார்.
பொலிஸார் மற்றும் புலனாய்வுத்துறை ஆகியோரின் அறிக்கைகளின் பிரகாரம், மொஹமத் சஹ்ரானின் சகாக்கள் அனைவரும் கைது செய்யப்பட்டுள்ளதுடன், அவர்களில் பலர் தடுத்து வைத்து விசாரணைக்கு உட்படுத்தப்பட்டு வருகின்றனர்.
தேசிய தவ்ஹீத் ஜமாஅத் அமைப்பின் ஓர் உறுப்பினர்கூட, வெளியில் இல்லையெனத் தான் உறுதிபடக் கூறுவதாக பிரதமர் இதன்போது குறிப்பிட்டார்.
காத்தான்குடியில் சஹ்ரானின் நெருங்கிய நண்பர்கள்கூட கைது செய்யப்பட்டுள்ளதாகக் கூறிய அவர், சஹ்ரானுடன் தேநீர் அருந்தியவர்களை கூட விசாரணைக்குட்படுத்த பொலிஸார் நடவடிக்கை எடுத்துள்ளனர். இந்நிலையில், இலங்கையின் பாதுகாப்பு முழுமையாக உறுதிப்படுத் தப்பட்டுள்ளதாக பிரதமர் ரணில் விக்கிரமசிங்க இதன்போது நம் பிக்கை வெளியிட்டார்.
-Vidivelli