தேசிய தௌஹீத் ஜமாஅத்தின் தற்போதைய தலைவர் உட்பட அதன் சில உறுப்பினர்களிடம் விரிவான விசாரணைகளை மேற்கொண்டு வருவதாக காத்தான்குடி பொலிசார் தெரிவித்தனர்.
தேசிய தௌஹீத் ஜமாஅத்தின் தற்போதைய தலைவராகவும் அப்பள்ளிவாசலின் தலைவராகவும் செயற்பட்டு வரும் மௌலவி எமம்.வை..எம்.தௌபீக் உட்பட ஜமாஅத்தைச் சேர்ந்த இரண்டு உறுப்பினர்களையும் ஞாயிற்றுக்கிழமை மாலை விசாரணைகளுக்காக காத்தான்குடி பொலிசார் அழைத்துச் சென்றுள்ளனர். உதவி பொலிஸ் அத்தியட்சகர், காத்தான்குடி பொலிஸ் நிலைய பொறுப்பதிகாரி உட்பட பொலிஸ் அதிகாரிகள் குழு புதிய காத்தான்குடியிலுள்ள தேசிய தௌஹீத் ஜமாஅத் பள்ளிவாசலுக்கு சென்றே இவர்களை விசாரணைக்காக அழைத்துச் சென்றுள்ளனர். இவர்களிடம் தொடரான விசாரணைகள் இடம் பெற்றுவருவதாக காத்தான்குடி பொலிசார் குறிப்பிட்டனர். தேசிய தௌஹீத் ஜமாஅத் இலங்கையில் தடை செய்யப்பட்டுள்ளதாக அரசாங்கம் அறிவித்துள்ளமை குறிப்பிடத்தக்கது.
-Vidivelli