கிழக்கு மாகாணத்தில் இராணுவ வசமிருந்த 5.5 ஏக்கர் காணி விடுவிக்கப்பட்டுள்ளது. யுத்த காலத்திலிருந்து இராணுவத்தினர் வசமிருந்த காணிகளைக் கையளிப்பதற்கான உத்தியோகபூர்வ நிகழ்வு கிழக்கு மாகாண ஆளுநர் அலுவலக வளாகத்தில் நேற்றைய தினம் நடைபெற்றது.
இதன்போது, இராணுவ பாதுகாப்பு நோக்கத்துக்காகபயன்படுத்தப்பட்டு வந்த 5.5 ஏக்கர் காணிகள் கிழக்கு மாகாண இராணுவ கட்டளைத் தளபதி மேஜர் ஜெனரல் அருண ஐயசேகரவினால் கிழக்கு மாகாண ஆளுநர் கலாநிதி எம்.எல்.ஏ.எம். ஹிஸ்புல்லாஹ்விடம் கையளிக்கப்பட்டது.
திருகோணமலை மாவட்டத்தில் குச்சவெளி திரியாயில் 3 ஏக்கர் காணியும், அம்பாறை மாவட்டத்தில் பெரிய நீலாவணையில் 0.5 ஏக்கர் காணியும் , திருக்கோவில் பகுதியில் 2 ஏக்கர் காணியும் விடுவிக்கப்பட்டுள்ளது.
இந் நிகழ்வில் திணைக்களத் தலைவர்கள், கிழக்கு மாகாண அமைச்சுக்களின் செயலாளர்கள், பிரதேச செயலாளர்கள், இராணுவ அதிகாரிகள் என பலர் கலந்துகொண்டனர்.
-Vidivelli