கட்டாரில் நான்கு புதிய ஐக்கிய நாடுகள் சபையின் அலுவலகங்களை தாபிப்பது உள்ளிட்ட உலக நிறுவனத்திற்கும் மத்திய கிழக்கு நாட்டிற்கும் இடையேயான ஒத்துழைப்பைப் பலப்படுத்தும் வகையில் தோஹா போரத்திற்கு ஒருங்கிசைவாக ஐக்கிய நாடுகள் சபையின் பங்குடைமைகளில் இணைந்து கட்டார் கைச்சாத்திட்டுள்ளது.
கனிஷ்டநிலை தொழில்வாண்மை நிகழ்ச்சித்திட்ட உருவாக்கம், ஐக்கிய நாடுகள் சபையின் முகவரகங்களுக்கு குறித்துரைக்கப்படாத செயற்பாடுகளுக்கு ஐநூறு மில்லியன் அமெரிக்க டொலர் நிதிப் பங்களிப்பினை பல ஆண்டுகளுக்கு வழங்குதல் உள்ளிட்ட இருதரப்பு ஒத்துழைப்புக்கான புரிந்துணர்வு உடன்படிக்கை ஐக்கிய நாடுகள் சபைக்கும் கட்டாருக்கும் இடையே கடந்த ஞாயிற்றுக்கிழமை கைச்சாத்திடப்பட்டது.
இது தவிர ஐக்கிய நாடுகள் அபிவிருத்தி நிகழ்ச்சித் திட்டத்துடன்; (யூ.என்.டி.பி.) ஒரு உடன்படிக்கையினையும், ஐக்கிய நாடுகள் சபையின் பயங்கரவாத ஒழிப்பு அலுவலகத்துடன் ஒரு உடன்படிக்கையினையும் தோஹா செய்துகொண்டுள்ளது. கட்டாரில் யுனிசெப் அமைப்பின் அலுவலகம், புலம்பெயர்வுக்கான சர்வதேச அமைப்பிற்கான அலுவலகம், ஐக்கிய நாடுகள் அகதிகளுக்கான உயர்ஸ்தானிகராலயத்திற்கான அலுவலகம், ஐக்கிய நாடுகள் சபையின் மனித உரிமை விவகாரங்களுக்கான இணைப்பு அலுவலகம் ஆகிய நான்கு அலுவலகங்களும் திறக்கப்படவுள்ளன.
இவ்வொப்பந்தங்கள் தோஹா போரத்திற்கு ஒருங்கிசைவாக கட்டார் வெளிநாட்டமைச்சர் செய்க் மொஹமட் பின் அப்துல்ரஹ்மான் அல் தானி மற்றும் ஐக்கிய நாடுகள் சபையின் செயலாளர் நாயகம் அன்டோனியோ குட்ரெஸ் ஆகியோருக்கிடையே கைச்சாத்திடப்பட்டன.