ஸ்ரீலங்கா முஸ்லிம் காங்கிரஸ் பாராளுமன்ற உறுப்பினர்களான பைசல் காசிம், எம்.எஸ்.தௌபீக் மற்றும் அகில இலங்கை மக்கள் காங்கிரஸ் பாராளுமன்ற உறுப்பினர் ஏ.ஆர்.இஷாக் ஆகியோர் அரசாங்கத்திற்கு ஆதரவளிப்பதிலிருந்தும் விலகிக்கொள்வதாக அறிவித்துள்ளனர்.
நேற்று பாராளுமன்றம் சபாநாயகர் மஹிந்த யாப்பா அபேவர்தன தலைமையில் சபை கூடியது. இதன்போது தனிநபர் சிறப்புரிமைக்கமைய தனது நிலைப்பாட்டை பாராளுமன்றில் அறிவிக்கும்போது பைஸல் காஸிம் அரசாங்கத்திற்கான தமது ஆதரவை விலக்கிக் கொள்வதாக தெரிவித்தார்.
மூன்று பாராளுமன்ற உறுப்பினர்களும் 20 ஆவது திருத்தத்தை நிறைவேற்ற அரசாங்கத்திற்கு ஆதரவை வழங்கியதுடன் அதன் பின்னர் அரசாங்கத்துடன் இணைந்து செயற்பட்டு வந்தமை குறிப்பிடத்தக்கது.– Vidivelli