குறு­கிய கால நோக்­கங்­களை முன் வைத்து எடுக்கும் முடி­வுகளால் அழி­வு­களே அதிகம் : முன்னாள் அமைச்சர் இம்­தியாஸ் பாக்கிர் மாக்கர்

0 172

குறு­கிய கால நோக்­கங்­களை முன் வைத்து எடுக்கும் முடி­வுகள் கார­ண­மாக அழி­வு­களே அதிகம் என முன்னாள் அமைச்சர் இம்­தியாஸ் பாக்கிர் மாக்கர் தெரி­வித்தார்.

கண்டி மல்­வத்தை விகா­ரையில் இடம் பெற்ற வைபவம் ஒன்றில் கலந்து கொண்­டதன் பின் ஊட­கங்­க­ளுக்கு தெரி­விக்­கை­யி­லேயே அவர் இதனைத் தெரி­வித்தார்.

அளுத்­கம கந்தே விகா­ரா­தி­பதி கொங்­கா­விட்ட விம­ல­சார தேரர் பிர­தான சங்­க­நா­யக்கர் பத­விக்குத் தெரிவு செய்­யப்­பட்டு அது தொடார்பான நிய­ம­னக்­க­டிதம் வழங்கும் வைபவம் கண்டி மல்­வத்து விகா­ரையில் இடம்­பெற்­றது. களுத்­துறை மற்றும் பெந்­தோட்டைப் பிர­தே­சங்­க­ளுக்­கான பிர­தான சங்­க­நா­யக்­க­ராக மேற்­படி தேரர் நிய­மிக்­கப்­பட்டார். அதில் கலந்­து­கொண்ட பின்னர் முன்னாள் அமைச்சர் இம்­தியாஸ் பாக்கிர் மாக்கார் மேலும் தெரி­வித்­த­தா­வது,
பாதையில் செல்லும் பிர­தா­னியைக் கண்­டதும் உடனே தலை­யி­லுள்ள துண்டை கழற்றி அவர் காலில் விழுந்து நமஸ்­காரம் பெற்றுக் கொள்ளும் யுகம் தற்­போது மாறி­விட்­டது. இது அடி­மைத்­துவ மனோ பாவம் குறைந்து, ஜன­நா­யகம் மலர்­ந்துள்ள கால­மாகும். அந்த அடிப்­ப­டையில் ஜன­நா­யகத்தை பாது­காக்கும் முயற்­சியில் ஐ.தே.க. ஈடு­படும். நீண்­ட­காலம் ஜ.தே.க. ஜன­நா­யக மர­பு­களைப் பின்­பற்றி வந்­துள்­ளது. ஜக்­கிய தேசியக் கட்­சி­யா­னது ஜன­நா­யகம், பொது உடைமை வாதம், தேசிய ஒற்­றுமை என்ப வற்றின் அடிப்­ப­டையில் இயங்கும் ஒரு கட்­சி­யாகும்.

சகல விட­யங்­க­ளுக்கும் ஜன­நா­யக ரீதியில் தீர்வைப் பெற்றுக் கொள்ளும் இக்­கா­லக்­கட்­டத்தில் நாடு புது­யுகம் நோக்கிச் செல்­கி­றது. ஏனைய கட்­சி­களை விட ஐ.தே.க.வில் ஜன­நாயம் அதி­க­ளவில் காணப்­ப­டு­கி­றது. தனி நபர் தனிக் குழு என்­பதை விட எமக்குத் தேவை முழு சமூ­கத்­துக்­கு­மான பரந்துபட்ட விட­யங்­க­ளாகும். அதுவே எமக்கு முக்­கி­ய­மாகும்.

கட்­சிக்குள் உரு­வாகும் தலை­மைத்­துவப் பிரச்­சி­னை­களை கட்­சியே தீர்த்­துக்­கொள்ளும் அதேநேரம் யாரும் பரசூட் மூலம் குதித்து அதனைக் கைப்­பற்ற முடி­யாது. பெரும்­பா­லான மக்­களும் கட்­சியின் பெரும்­பா­லான அங்­கத்­த­வர்­களும் தெளி­வான ஜன­நா­யகப் பண்­பு­க­ளுடன் உள்­ளனர்.
நாட்டைத் துண்­டாடும் ஒரு முறைக்குப் பதி­லாக நாட்டை வளப்படுத்தும் ஒரு முறை அடுத்த பொதுத் தேர்­த­லில உரு­வாக்­கப்­படும்.

கட்­சியின் பிர­தான அபேட்­ச­க­ராக வரு­ப­வ­ருக்கு ஒரு சில முடி­வு­களை எடுக்கும் தன்மை இருக்க வேண்டும். ஒருவர் பிர­தான வேட்­பா­ள­ராக இருக்க அவரை கட்டுப் படுத்தும் ரிமோட் கொண்ட்­ரோலை வேறு ஒருவர் வைத்­தி­ருப்­பா­ராயின் கட்­சியின் பயணம் வெற்றி அளிக்­காது. கட்­சியின் தலை­வ­ராக உள்­ளவர் ஜனா­தி­பதி வேட்­பா­ள­ராகும் தகுதி இருக்க வேண்டும். அவர் எங்கோ இருந்­து­கொண்டு கண்­ணுக்குப் புலப்­ப­டாத ஒரு கட்டுப் பாட்­டா­ள­ராக இருக்க முடி­யாது.

இன­ரீ­தி­யான கட்­சிகள் அன்றி தேசிய ரீதி­யி­லான கட்­சி­களே எமது நாட்­டுக்குத் தேவை­யா­ன­தாகும். ஆனால் தேசிய கட்சி என்று சொல்லும் சில கட்­சிகள் இன­ரீ­தி­யான சிந்­த­னை­க­ளையே வளர்க்­கின்­றனர். அவ்­வாறு இன ரீதி­யான சிந்­த­னை­களை தோற்­று­வித்த கட்­சிகள் குறு­கிய காலத்தில் வெற்­றி­களை அடைந்­தாலும் தேசிய ரீதியில் அவர்கள் நாட்­டுக்கு அழி­வு­க­ளையே விட்டுச் சென்­றுள்­ளனர். அபி­வி­ருத்­தியை அவர்­களால் அடைய முடி­யாது. 1956 ஆம் ஆண்டு 24 மணி நேரத்தில் சிங்­களம் தேசிய மொழி என்ற கோட்­பாடு ஏற்றுக் கொள்­ளப்­பட்­டது. ஆனால் அதே அர­சியல் வாதி­களின் பிள்­ளை­களால் பிற்­பட்ட காலத்தில் சிங்­க­ளமும் தமிழும் தேசிய மொழிகள் என்ற இரு மொழிக் கோட்­பாட்டை நடை­முறைப்படுத்த வேண்­டிய நிலை ஏற்­பட்­டது. குறு­கிய கால நோக்­கங்­களை முன் வைத்து எடுக்கும் முடி­வுகள் கார­ண­மாக ஆயி­ரக்­க­ணக்­கான உயிர்­களை இழந்­தது மட்­டு­மல்­லாது பலகோடி சொத்துக்களையும் இழக்க வேண்டி வந்தது. இது பற்றி சிந்தித்தே காலம் கழிந்ததே ஒழிய நாட்டை முன்னேற்ற நேரம் கிடைக்கவில்லை என்றும் குறிப்பிட்டார். -Vidivelli

  • ஜே.எம்.ஹாபிஸ்

Leave A Reply

Your email address will not be published.