தெஹிவளை பிரதேசத்தில் கடந்த வாரம் வர்த்தக நிலையம் ஒன்றினுள் நுழைந்து அதன் உரிமையாளரை குத்திப் படுகொலை செய்த சந்தேக நபர் கைது செய்யப்பட்டுள்ளார்.
கல்கிசை பிரதேசத்திலுள்ள ஹுலுடகொட வீதியில் கட்டிடம் ஒன்றில் மறைந்திருந்த சந்தேக நபரை கடந்த சனிக்கிழமை கைது செய்ததாக தெஹிவளை பொலிசார் தெரிவித்தனர். குறித்த சந்தேக நபர் களுத்துறை, பயாகல பிரதேசத்தைச் சேர்ந்த போதைக்கு அடிமையானவர் என தெரிய வந்துள்ளது. சந்தேக நபர் மறைந்திருந்த கட்டிடத்தினுள் தேடுதல் மேற்கொண்டதையடுத்து இரத்தம் தோய்ந்த ஆடையும் கொலைக்குப் பயன்படுத்தப்பட்ட கத்தியொன்றும் பொலிசாரால் மீட்கப்பட்டுள்ளன.
தெஹிவளை காலி வீதியில் அமைந்துள்ள ஹார்ட்வெயார் ஒன்றுக்குள் அதன் உரிமையாளரான 63 வயதுடைய முஹம்மது சுபியான் எனும் வர்த்தகர் கடந்த புதன்கிழமை கத்தியால் குத்தி மர்மமான முறையில் படுகொலை செய்யப்பட்டிருந்தமை குறிப்பிடத்தக்கது.
vidivelli