அரபு, இஸ்லாமிய நாடுகளுக்கு ஆதரவு வழங்குவதில் சவூதி அரேபியா முதன்மைநிலை வகிப்பது குறித்து பஹ்ரைன் வெளிநாட்டமைச்சர் காலித் பின் அஹமட் பாராட்டுத் தெரிவித்ததாக சவூதி ஊடக முகவரகம் கடந்த ஞாயிற்றுக்கிழமை தகவல் வெளியிட்டுள்ளது.
மன்னர் சல்மானின் தலைமைத்துவத்தின் கீழும் பிராந்தியத்தில் பாதுகாப்பு மற்றும் ஸ்திரத்தன்மையினை மேம்படுத்துவதற்கு சவூதி அரேபியா எடுத்து வரும் நடவடிக்கைகளுக்கும் பஹ்ரைன் தொடர்ந்தும் துணை நிற்கும் எனவும் வெளிநாட்டமைச்சர் தெரிவித்தார்.
இவ்வாரம் ஆரம்பித்த சவூதி அரேபியாவின் பட்டத்திற்குரிய இளவரசர் மொஹமட் பின் சல்மானின் அரபுப் பிராந்தியத்திற்கான சுற்றுப் பயணத்தில் பஹ்ரைனுக்கு விஜயம் செய்தபோதே அவர் இவ்வாறு தெரிவித்தார்.
ஐக்கிய அரபு அமீரகத்திற்கு விஜயம் செய்ததைத் தொடர்ந்து அடுத்த கட்டமாக கடந்த ஞாயிற்றுகிழமை மனாமா விமான நிலையத்தை வந்தடைந்தார்.
வரலாற்றில் இரு நாடுகளுக்கும் இடையேயான உறவு மிகவும் ஆழமானதாகும் என பஹ்ரைன் மன்னர் தெரிவித்தார்.
-Vidivelli