வன்முறையினால் ஏற்பட்ட சேதங்களுக்கு இழப்பீடுகள்
பள்ளிகளை மறுசீரமைக்கவும் நிதி பிரதமரின் யோசனைக்கு அங்கீகாரம்
நாட்டில் சில பிரதேசங்களில் அன்மையில் கடும்போக்கு குழுவினர்களால் மேற்கொள்ளப்பட்ட இனவாதத் தாக்குதல் நிலைமையின் காரணமாக இடம்பெற்ற சேதத்திற்கான இழப்பீடடு தொகையை வழங்க அரசாங்கம் நடவடிக்கை எடுத்துள்ளது.
இது தொடர்பில் பிரதமர் ரணில் விக்கிரமசிங்க முன்வைத்த அமைச்சரவை பத்திரத்திற்கு அனுமதி வழங்கப்பட்டுள்ளது.
சமீபத்தில் சில பிரதேசங்களில் ஏற்பட்ட மோதல் நிலைமையின் காரணமாக சேதமாக்கப்பட்ட முஸ்லிம் பள்ளிவாசல்களை மறுசீரமைத்தல் மற்றும் இந்த மோதலினால் ஏற்பட்ட பாதிப்புக்காகவும் இதற்கு முன்னர் உயிர்த்தெழுந்த ஞாயிறு குண்டுத்தாக்குதலினால் ஏற்பட்ட பாதிப்புக்களுக்காக செலுத்துவதற்காக தீர்மானிக்கப்பட்ட நடைமுறையின் கீழான இழப்பீட்டுத் தொகையை செலுத்தவதற்காக பிரதமர் ரணில் விக்கிரமசிங்க சமர்ப்பித்த ஆவணத்திற்கு அமைச்சரவை அங்கீகாரம் வழங்கியுள்ளது.
அத்துடன், பயங்கரவாத தாக்குதலினால் பாதிக்கப்பட்டுள்ள மொத்த குடும்பங்களின் எண்ணிக்கை 344 என தெரிவிக்கப்பட்டுள்ளது. இதில் ஒருவரேனும் மரணம் அல்லது ஏதோ ஒரு பாதிப்பை கொண்ட குடும்பங்களின் எண்ணிக்கை 188 ஆகும். இதில் ஆகக் குறைந்த வகையில் குடும்பத்தில் ஒருவர் காயமடைந்திருப்பதாக எனவும் சுட்டிக்காட்டப்பட்டுள்ளது. இந்த குடும்பங்களின் அங்கத்தவர்களின் சமூக பொருளாதார கலாசார கல்வி ஆகிய ரீதியில் மறுசீரமைப்பு மற்றும் மீண்டும் மேம்பாட்டுக்காக திட்டமிட்ட வேலைத்திட்டம் கல்வி அமைச்சினால் அடையாளம் காணப்பட்டுள்ளது.
இதற்கமைவாக இந்த தாக்குதலின் காரணமாக பாதிக்கப்பட்டுள்ள குடும்பங்களை ஊக்குவிப்பதற்காக கத்தோலிக்க சபையின் சமூக சேவை நிறுவனங்களான செத்சரண நிறுவனத்தின் இணைப்புடன் நகர குடியிருப்பு அதிகார சபையின் மூலம் ஸ்வசக்தி அபிவிருத்தி விசேட வேலைத்திட்டத்தை நடைமுறைப்படுத்துவதற்கு தேவையான நிதியைப் பெற்றுக் கொள்வதற்கு வீடமைப்பு மற்றும் நிர்மாணத்துறை கலாசார அலுவல்கள் அமைச்சர் சஜித் பிரேமதாச நடவடிக்கை எடுத்துள்ளமை குறிப்பிடத்தக்கது.
vidivelli