அமைச்சர் வியாழேந்திரனின் முஸ்லிம்களுக்கு எதிரான கருத்துக்கு காத்தான்குடி சம்மேளனம் கடும் கண்டனம்

0 244

(எம்.எஸ்.எம்.நூர்தீன்)
இரா­ஜாங்க அமைச்சர் வியா­ழேந்­திரன் காத்­தான்­குடி முஸ்லிம் மக்­க­ளுக்கு எதி­ராக தெரி­வித்த கருத்தை காத்­தான்­குடி பள்­ளி­வா­சல்கள் முஸ்லிம் நிறு­வ­னங்­களின் சம்­மே­ளன கண்­டித்­துள்­ளது.

இது தொடர்­பாக சம்­மே­ளனம் கடந்த ஞாயிற்­றுக்­கி­ழமை விடுத்­துள்ள அறிக்­கையில் தெரி­விக்­கப்­பட்­டுள்­ள­தா­வது,

நமது நாட்டில் கடந்த மூன்று தசாப்­தங்­க­ளுக்கு மேலாக இடம்­பெற்ற யுத்தம் கார­ண­மாக வடக்­கிலும் கிழக்­கிலும் வாழ்ந்த முஸ்­லிம்கள் பல்­வேறு வகை­யான துன்­பங்­க­ளையும் இன்­னல்­க­ளையும் அனு­ப­வித்­த­மையை இலங்கை வாழ் மக்கள் அனை­வரும் அறி­வார்கள்.

யுத்­தத்­தினால் மிகக் கடு­மை­யாக பாதிக்­கப்­பட்ட முஸ்­லிம்­க­ளது இழப்­பு­களை அறிந்தும் அதனை வேண்­டு­மென்றே மறைத்தும் இன­வாத குழுக்­களின் பின்னால் மறைந்து கொண்டு தனது தேர்தல் பிரச்­சா­ரத்தை ஆரம்­பித்­தி­ருக்­கிறார்.

அநி­யாயம் இழைக்­கப்­பட்ட ஒரு சமூ­கத்தின் பின்னால் இருக்­கின்ற வேத­னை­க­ளையும் வலி­க­ளையும் புரிந்து கொள்­கின்ற மனோ­நி­லையில் வியா­ழேந்திரன் இல்லை என்­பதும் இன்னும் ஒரு மன வேத­னை­யான விட­ய­மாகும். வள­மான நமது தேசம் இவரைப் போன்ற விஷமப் பிரச்­சா­ரத்­தி­னால்தான் சீர­ழிந்து போயி­ருக்­கி­றது என்­பதே உண்­மை­யாகும்.

கடந்த வரு­டங்­களில் நிய­மிக்­கப்­பட்ட ஜனா­தி­பதி ஆணைக்­கு­ழுக்கள் மட்­டக்­க­ளப்பு மாவட்­டத்தில் முஸ்­லிம்­க­ளுக்கு பாரி­ய­ளவில் காணிப் பிரச்­சினை இருக்­கி­றது என்­பதை ஏற்றுக் கோண்­டி­ருக்­கின்ற அதே நேரம் அவை­களைக் தீர்ப்­ப­தற்­கான முயற்­சிகள் எடுக்­கப்­பட்டும் சில அரச அதி­கா­ரி­களின் கரி­ச­னை­யின்­மை­யினால் அவை இன்னும் தீர்க்­கப்­ப­ட­வில்லை என்­ப­துதான் யதார்த்தம்.

உதா­ர­ண­மாக மண்­முனைப் பற்று பிர­தே­சத்தில் முஸ்­லிம்கள் பரம்­ப­ரை­யாக வாழ்ந்த அவர்­க­ளுக்கு சொந்­த­மான 48 ஏக்கர் காணி இது­வ­ரையில் அவர்­க­ளுக்கு விடு­வித்துக் கொடுக்கப் பட­வில்லை என்­ப­தையும் வியா­ழேந்­திரன் தெரிந்து கொள்ள வேண்டும்.
இவ்­வ­ளவு காலமும் இன­வாத அர­சு­க­ளோடு ஒட்டி உற­வாடி இருந்­து­விட்டு இப்­போது மக்கள் அவ் இன­வாத ஆட்­சி­யா­ளர்­களை வீட்­டுக்கு அனுப்ப இருக்­கின்ற நிலையில் தனக்கு மட்­டக்­க­ளப்பு மாவட்­டத்தில் அர­சியல் அதி­காரம் ஒன்று இல்­லாமல் போகும் என்ற அச்சம் அவ­ருக்கு பீடித்­­தி­ருக்­கி­றது. இது­போன்ற இனங்­க­ளுக்­கி­டையில் குரோ­தத்தை தோற்­று­விக்­கின்ற கருத்­துக்­களை பொது­வெ­ளியில் தெரி­விப்­பதை வியா­ழேந்­திரன் முற்­றாக நிறுத்திக் கொள்ள வேண்டும் என்று நாம் கேட்­டுக்­கொள்­கின்றோம்.
இரண்­டா­வ­தாக, ஈஸ்டர் தாக்­கு­தலின் பின்­ன­ணியில் இருந்து யார் செயற்­பட்­டார்கள் என்­பது மிகத் தெளி­வாக தற்­போது வெளி­வந்­தி­ருக்­கின்ற நிலையில் வெறு­மனே சஹ்­ரா­னோடு தொடர்­பில்­லாத ஒரு பள்ளிவாசலை அரசாங்கம் தனது தேவைக்காக பயன்படுத்துவதற்கு முயற்சிக்கின்ற நிலையில் அதனை காத்தான்குடி சமூகம் மீண்டும் எங்களுக்குத் தர வேண்டும் என்று கேட்பதில் வியாழேந்திரனுக்கு என்ன பிரச்சினை இருக்கிறது என்பதை நாம் தெரிந்து கொள்ள ஆசைப்படுகிறோம்.- Vidivelli

Leave A Reply

Your email address will not be published.