வெற்றிக்கு செயன்முறை கல்வி பிரதானமானதாகும்

0 433

உயர்தர பெறுபேறுகளின்படி தொழிநுட்பப் பிரிவில் தேசிய மட்டத்தில் இரண்டாம் நிலையை பெற்ற சம்மாந்துறையைச் சேர்ந்த எம்.எல்.ரிஸா மொஹமட்.

தாய், தந்தை, சகோ­தரி ஒருவர் மற்றும் இளம் சகோ­தரன் அடங்­க­லாக ஐவர் கொண்ட அழ­கிய குடும்­பத்தில் பிறந்­த­வர்தான் ரிஸா. விவ­சா­யத்தை ஜீவ­னோ­பா­ய­மாகக் கொண்ட குடும்­பத்தில் கற்­ற­லுக்­கான சூழலை பெற்றோர் ஒழுங்­க­மைத்து தந்­த­தாக விடி­வெள்­ளிக்குத் தெரி­வித்தார்.

தனது ஆரம்பக் கல்­வியை சம்­மாந்­துறை அரபா வித்­தி­யா­ல­யத்தில் ஆரம்­பித்த ரிஸா, இடை­நிலை மற்றும் உயர்­தரக் கல்­வியை சம்­மாந்­துறை முஸ்லிம் மத்­திய மகா­வித்­தி­யா­ல­யத்தில் பயின்று கற்ற பாட­சா­லை­க­ளுக்கு பெரு­மை­சேர்த்துக் கொடுத்­துள்ளார்.

நூல­கத்தில் மட்­டு­மல்ல, விளை­யாட்டு மைதா­னத்­திலும் தொலைக்­காட்­சியின் முன்பும் தனது ஓய்­வு­நே­ரங்­களை செல­விடும் ரிஸா, கற்­ற­லுக்­கான நேரத்தை உரிய முறையில் பயன்­ப­டுத்­தி­யதே அவ­ரது வெற்­றிக்கு பிர­தான காரணம் என கரு­து­கின்றார்.

ஆசி­ரி­யர்­க­ளுக்கு அடி­ப­ணிந்து அவர்­களின் வார்த்­தை­க­ளுக்கு மதிப்­ப­ளிக்கும் பிள்­ளை­களில் இவரும் ஒருவர். ஆசான்­களின் வழி­ந­டத்­தலில் கற்­பித்தல் முறை­களை ஒழுங்­கு­ப­டுத்­தியே இந்த சாத­னையை சொந்­த­மாக்­கி­யுள்ளார்.

தனக்கு விளங்­கிக்­கொள்ள முடி­யாத பகு­தி­களை highlighter பேனை­யினால் அடை­யா­ள­மிட்டு அதனை புறம்­பாக நேர­மொ­துக்கி விளக்­கங்­களை தேடி படிக்­கக்­கூ­டிய மாணவன் ரிஸா. எனினும், தொழி­நுட்­பத்­துறை கற்­கை­க­ளுக்கு புத்­த­கப்­ப­டிப்பு மட்டும் போதாது என்­பதை நன்­கு­ணர்ந்து செயன்­முறை கல்­வியில் அதீத ஈடு­பாடு காட்­டியே இந்த வெற்­றியை தன­தாக்­கி­யி­ருக்­கிறார்.

இந்த வெற்றி கிடைத்­த­மைக்கு அல்­லாஹ்வை நன்­றி­யுடன் நினை­வு­கூரும் ரிஸா, தாயும் தந்­தையும் தந்த ஊக்கம் மற்றும் ஒத்­து­ழைப்­பு­க­ளுக்கு நன்றி மட்டும் போதாது என்றும் கூறு­கிறார். பாட­சாலை சமூகம் மற்றும் ஆசான்­க­ளி­னது பங்­க­ளிப்­பையும் அவர் குறைத்து மதிப்­பி­ட­வில்லை. நண்­பர்கள், அய­ல­வர்கள், குடும்­பத்­தா­ருக்கும் நன்­றி­கூறக் கட­மை­ப்பட்­டி­ருப்­ப­தாக அவர் கூறுகிறார்.

தொழில்நுட்பத்துறை சார் கல்வியில் தேர்ச்சிபெற்று நாட்டுக்கும் சமூகத்திற்கும் பிரயோசனம் தரும் பிரஜையாக மிளிரவேண்டும் என தனது திடமான நம்பிக்கையை வெளிப்படுத்தினார் ரிஸா.
-Vidivelli

Leave A Reply

Your email address will not be published.