ஐ.நா. பாதுகாப்பு சபையின் தீர்மானத்திற்கு ஹமாஸ் வரவேற்பு

0 55

(எம்.ஐ.அப்துல் நஸார்)
காஸா பகு­தியில் இஸ்ரேல் நடத்தி வரும் இனப்­ப­டு­கொலை யுத்­தத்தில், யுத்த நிறுத்­தத்தை கொண்டு வரு­வதை நோக்­க­மாகக் கொண்ட திட்­டத்தை ஐ.நா பாது­காப்பு சபை அங்­கீ­க­ரித்­த­மை­யினை ஹமாஸ் அமைப்பு வர­வேற்­றுள்­ளது.

ஹமாஸ் அமைப்பு கடந்த திங்­க­ளன்று வெளி­யிட்ட ஊடக அறிக்­கையில் குறித்த தீர்­மா­னத்தை வர­வேற்­ப­தாகத் தெரி­வித்­தி­ருந்­தது, 15 உறுப்­பி­னர்­களைக் கொண்ட பாது­காப்பு சபை யுத்த நிறுத்த திட்­டத்­திற்கு ஆத­ர­வாக வாக்­க­ளித்த சில மணி­நே­ரங்­க­ளுக்குப் பின்னர், ஹமாஸ் அமைப்பு, காஸாவில் நிரந்­தர யுத்த நிறுத்தம், இஸ்­ரே­லியப் படைகள் முற்­றி­லு­மாக வெளி­யே­றுதல் மற்றும் கைதிகள் பரி­மாற்றம் ஆகி­யவை பாது­காப்புச் சபையின் தீர்­மா­னத்தில் சேர்க்­கப்­பட்­டுள்­ளதை வர­வேற்­கி­றது’ எனத் தெரி­வித்­தது.

இத் திட்­டத்தின் ஏனைய விதி­க­ளான ‘காஸா பகு­தியின் புன­ர­மைப்பு, இடம்­பெ­யர்ந்­த­வர்கள் அவர்கள் வசிக்கும் பகு­தி­க­ளுக்குத் திரும்­புதல், மக்­கள்­தொகை மாற்­றத்தை அல்­லது காஸா பகு­தியில் குறைப்புச் செய்­வதை நிரா­க­ரித்தல் மற்றும் எமது மக்­க­ளுக்கு தேவை­யான உத­விகள் விநி­யோகம் போன்­ற­வற்­றையும் அங்­கீ­க­ரிப்­ப­தாக ஹமாஸ் மேலும் தெரி­வித்­துள்­ளது.

‘எமது மக்­களின் கோரிக்­கைகள் மற்றும் எதிர்­பார்ப்­பிற்கு இயை­பான இக் கொள்­கை­களை நடை­மு­றைப்­ப­டுத்­து­வ­தற்கு மறை­முக பேச்­சு­வார்த்­தை­களில் ஈடு­பட மத்­தி­யஸ்­தர்­க­ளுடன் ஒத்­து­ழைக்க தமது குழுவின் தரப்பில் தயா­ராக இருப்­ப­தாக’ குறித்த அறிக்­கையில் தெரி­விக்­கப்­பட்­டுள்­ளது.
காஸாவின் எதிர்ப்புக் குழுக்­களால் நடத்­தப்­பட்ட பதி­லடி நட­வ­டிக்­கை­யான அல்-­அக்ஸா புய­லுக்குப் பதி­ல­ளிக்கும் வகையில் கடந்த ஒக்­டோ­பரில் இஸ்ரேல் போரைத் தொடங்­கி­யது, இதன் போது சுமார் 250 பேர் பணயக் கைதி­க­ளாகப் பிடிக்­கப்­பட்­டனர்.

கொடூ­ர­மான இஸ்­ரே­லிய இரா­ணுவத் தாக்­கு­தலில் இது­வரை பெரும்­பாலும் பெண்கள் மற்றும் குழந்­தைகள் உட்­பட 37,000 பலஸ்­தீ­னர்கள் கொல்­லப்­பட்­டுள்­ளனர்.

எகிப்தும் கட்­டாரும் கடந்த நவம்­பரில் ஒரு யுத்த நிறுத்த உடன்­ப­டிக்­கையை ஏற்­ப­டுத்தும் நோக்கில் பேச்­சு­வார்த்­தை­களை மத்­தி­யஸ்தம் செய்து வந்­தன, இதன் போது அல்-­அக்ஸா புயலின் போது சிறை­பி­டிக்­கப்­பட்ட 105 பண­யக்­கை­தி­களை ஹமாஸ் விடு­வித்­தது.

மே மாத ஆரம்­பத்தில், ஹமாஸ், இஸ்­ரே­லிய ஆக்­கி­ர­மிப்பை நிறுத்­தவும், சிறை­பி­டிக்­கப்­பட்ட எஞ்­சிய பணயக் கைதி­களை விடு­விக்­கவும் உதவும் மற்­று­மொரு போர் நிறுத்த முன்­மொ­ழி­வுக்கு ஒப்­புக்­கொண்­டது. ஆனால் இஸ்ரேல் இந்த திட்­டத்தை நிரா­க­ரித்­தமை குறிப்பிடத்தக்கது.- Vidivelli

Leave A Reply

Your email address will not be published.