ஜனாதிபதி கோத்தாபய ராஜபக்ஷவுக்கும் இலங்கையிலுள்ள அரபு நாடுகளின் தூதுவர்களுக்குமிடையேயான விசேட சந்திப்பொன்று கடந்த வெள்ளிக்கிழமை ஜனாதிபதி மாளிகையில் இடம்பெற்றது.
இதன்போது, நாட்டின் சமகால அரசியல் நிலைமை மற்றும் பொருளாதார நெருக்கடி தொடர்பில் ஜனாதிபதி கோட்டாபய ராஜபக்ஷ அரபு நாடுகளின் தூதுவர்களிடம் விளக்கியதுடன் அரபுநாடுகளுடனான உறவுகள் குறித்தும் எடுத்துரைத்தார்.
இந்த சந்திப்பு கடந்த வெள்ளிக்கிழமை ஜும்ஆ வேளையில் இடம்பெற்றமையினால் அதிகமான அரபுநாடுகளின் தூதுவர்கள் சிரமங்களை எதிர்நோக்கியுள்ளனர். இதன்போது, தூதுவர்களுக்கு பகல் போசன விருந்தும் ஜனாதிபதியினால் ஏற்பாடு செய்யப்பட்டிருந்தமை குறிப்பிடத்தக்கது. – Vidivelli