சட்டத்தில் திருத்தங்கள் வரவேற்கத்தக்கவை

0 76

இலங்­கையில் இனங்­க­ளுக்கு என்று தனி­யான சட்­டங்கள் இருக்­கக்­கூ­டாது. அனைத்து மக்­களும் பொது­வான ஒரு சட்­டத்தின் கீழேயே ஆளப்­பட வேண்டும் என்ற கோஷம் நீண்ட கால­மாக எழுப்­பப்­பட்டு வந்­தது. பொது­ப­ல­சேனா போன்ற இன­வாத அமைப்­புகள் இவ்­வி­வ­கா­ரத்தில் முன்­னி­லையில் இருந்து செயற்­பட்­டன.

‘ஒரே நாடு ஒரே சட்டம்’ என்ற கோஷம் ஏப்ரல் குண்டுத் தாக்­கு­த­லை­ய­டுத்து வலுப்­பெற்­றுள்­ளது. இந்­நி­லையிலேயே தற்­போது அமு­லி­லுள்ள முஸ்லிம் விவாக, விவா­க­ரத்துச் சட்­டத்தில் தேவை­யான திருத்­தங்­களைச் செய்­வ­தற்கு அமைச்­ச­ரவை அனு­மதி வழங்­கி­யுள்­ளது.

ஒரு தசாப்த காலத்­துக்கு முன்பு இச்­சட்­டத்தில் திருத்­தங்­களை சிபா­ரிசு செய்­வ­தற்கு நிய­மிக்­கப்­பட்­டி­ருந்த தற்­போ­தைய ஓய்வு நிலை நீதி­ய­ரசர் சலீம் மர்சூப் தலை­மை­யி­லான குழுவின் அறிக்­கையில் 14 திருத்­தங்­க­ளுக்கு முஸ்லிம் பாரா­ளு­மன்ற உறுப்­பி­னர்கள் அங்­கீ­காரம் வழங்­கி­யதன் பின்பே அமைச்­ச­ர­வைக்கு அத்­தி­ருத்­தங்கள் சமர்ப்­பிக்­கப்­பட்­டமை குறிப்­பி­டத்­தக்­க­தாகும்.

இலங்கை பௌத்­தர்­களைப் பெரும்­பான்­மை­யாகக் கொண்ட பல்­லின மக்கள் வாழும் நாடாகும். இங்கு முஸ்­லிம்கள் சிறு­பான்­மை­யி­ன­ரா­கவே வாழ்ந்து கொண்­டி­ருக்­கிறோம் என்­றாலும் இங்கு எமக்­கென்று தனி­யான சட்­டங்கள், மத சுதந்­திரங்கள் வழங்­கப்­பட்­டுள்­ளன.

முஸ்லிம் விவாக விவா­க­ரத்துச் சட்­டத்தில் திருத்­தங்­களை மேற்­கொள்­வ­தற்கு உல­மாக்கள் மத்­தியில் கருத்து முரண்­பா­டுகள் உள்­ள­மையை எம்மால் மறைக்க முடி­யாது. முஸ்லிம் பெண்­களின் திரு­மண வய­தெல்லை 18 ஆக அதி­க­ரிப்பு, திரு­ம­ணப்­ப­திவு கட்­டா­ய­மாக்­கப்­படல், பல­தார மணத்தில் சில விதி­மு­றைகள், விவா­க­ரத்தின் போது நஷ்­ட­ஈடு வழங்­கப்­படல், திரு­ம­ணப்­ப­திவு புத்­த­கத்தில் மணப் பெண் கையொப்­ப­மிடல், இஸ்­லா­மிய சட்டம் பயின்ற சட்­டத்­த­ர­ணிகள் காதி நீதி­ப­தி­க­ளாக நிய­மனம் உட்­பட 14 திருத்­தங்­களும் வர­வேற்­கத்­தக்­கவை.

இச்­சந்­தர்ப்­பத்தில் இஸ்­லா­மிய சட்­டங்­களை கடு­மை­யாக அமுல்­ப­டுத்தி வரும் சவூதி அரே­பி­யாவின் சில முன்­னேற்­ற­க­ர­மான மாற்­றங்­களை உற்று நோக்க வேண்டும். அண்­மையில் அந்­நாடு பெண்­க­ளுக்கு விதித்­தி­ருந்த சில கட்­டுப்­பா­டு­களைத் தளர்த்­தி­யுள்­ளது. மாற்­றங்­களைச் செய்­துள்­ளது. சவூதி அரே­பிய பெண்கள் சாரதி அனு­ம­திப்­பத்­திரம் பெற்றுக் கொள்­வ­தற்கும் வாகனம் ஓட்­டு­வ­தற்கும் விதிக்­கப்­பட்­டி­ருந்த தடை நீக்­கப்­பட்­டுள்­ளது. அத்­தோடு விளை­யாட்டு போட்­டி­களை பார்­வை­யி­டு­வ­தற்கு விதிக்­கப்­பட்­டி­ருந்த தடையும் நீக்­கப்­பட்­டுள்­ளது.

அத்­தோடு சவூதி அரே­பிய பெண்கள் தங்­க­ளது விவாகம், விவா­க­ரத்து மற்றும் பிள்­ளை­களின் பிறப்பு பதி­வு­க­ளுக்கும் அனு­மதி வழங்­கப்­பட்­டுள்­ளது.
தேசிய அடை­யாள அட்­டைக்கு அவர்­களால் தனிப்­பட்ட முறையில் விண்­ணப்­பிக்க முடியும். பிள்­ளை­களை பாட­சா­லையில் அனு­ம­திக்கும் உரி­மையும் வழங்­கப்­பட்­டுள்­ளது. எவரும் எதிர்­பார்க்­காத மாற்­றங்கள் அங்கு நிகழ்ந்­துள்­ளன. இம்­மாற்­றங்கள் சிலரால் விமர்­சிக்­கப்­பட்­டாலும் இவை பெண்­களின் உரி­மை­க­ளாகும்.

பல்­லின மக்கள் வாழும் எமது நாட்டில் சிறு­பான்­மை­யி­ன­ரான முஸ்­லிம்கள் நாம் எமது தனியார் சட்­டத்தில் திருத்­தங்­களைச் செய்­வதை எவ­ராலும் சவா­லுக்­குட்­ப­டுத்த முடி­யாது. எதிர்ப்­பு­களின் மத்­தியில் முஸ்லிம் பாரா­ளு­மன்ற உறுப்­பி­னர்கள் தனியார் சட்­டத்தில் திருத்­தங்­க­ளுக்கு அங்­கீ­காரம் வழங்­கி­யுள்­ளமை சமூ­கத்தை ஒரு முன்­னேற்­பா­டா­கவே கரு­த­மு­டி­கி­றது.

நாட்டின் பொதுச் சட்­டத்­துக்கேற்ப முஸ்லிம் பெண்­களின் திரு­மண வய­தெல்லை 18 ஆக அதி­க­ரிக்­கப்­பட்­டுள்­ளது. இது­வரை காலம் 12 வய­து முஸ்லிம் பெண்கள் காதி நீதி­ப­தியின் அனு­ம­தி­யுடன் திரு­மணம் செய்து கொள்ளும் விதி­முறை இருந்­தாலும் அவ்­வா­றான திரு­ம­ணங்கள் ஓரிரண்டே நிகழ்ந்துள்ளமையை புள்ளி விபரங்கள் தெரிவிக்கின்றன. முஸ்லிம் பெண்கள் கல்வித் துறையில் காட்டும் ஆர்வமே இதற்குக் காரணமாகும். எனவே திருமண வயதெல்லை அதிகரிக்கப்பட்டமையை எதிர்ப்பதில் நியாயமில்லை எனலாம்.

முஸ்லிம் விவாக, விவாகரத்துச் சட்டத்தில் திருத்தங்கள் மேற்கொள்ளப்பட வேண்டும் என்ற குரல் எமது சமூகத்திலிருந்தே எழுந்தது என்பதை திருத்தங்களை எதிர்க்கும் தரப்பினர் மறந்துவிடக்கூடாது.

vidivelli

Leave A Reply

Your email address will not be published.